【差啲去唔成的Summer Camp】
其實我一直都唔覺得BB一定要番Playgroup，...

【差啲去唔成的Summer Camp】
其實我一直都唔覺得BB一定要番Playgroup，我哋有好多親戚朋友，我自己亦都有時間親自教佢，但因為疫情關係，呢兩年出世嘅BB真係見少好多人、睇少好多嘢，連樓吓會所個baby room都唔開嘅時候，日日喺屋企你又攞得出幾多實物教佢？所以除咗Play Group，我仲幫佢報咗Summer Camp。

由於我已經揀咗一間喺學習同技能訓練方面都好出色嘅Playgroup，所以今次嘅summer camp我想佢見吓唔同嘢。呢個summer camp嘅內容比較著重自由探索，玩吓屋企無嘅大型玩具同遊樂設施、水池仔、玩泡泡、baby yoga，當然唔少得都有唱歌跳舞環節，我亦都好想睇吓佢喺國際學校又會係點🤭

但係嚟到上課之前一星期，我哋仲未戴到口罩(任何方法都試過），始終佢一歲都未夠，我又唔想逼佢，但係事實係佢連帶頂帽都好難，同老師緊密聯繫之後佢哋叫我同佢戴住黎啦，如果除咗老師會幫佢帶返。幾經辛苦終於練成戴住出門口。

結果今日佢開心到唔記得咗自己戴住頂帽呀😂😂雖然課堂進行時唔可以影相，但係佢全程都玩到忘晒形，幾乎無擰過去後面搵阿媽😬連玩水時要佢著保護衣都爭住著，平時食飯哎佢都唔肯着㗎嘛！

今次呢個決定真係非常好！完全「打得響我個如意算盤」，成功俾佢試咗好多我平時俾唔到佢嘅嘢👏🏻

---